19 чэрвеня 2016 г. – 105 гадоў з дня нараджэння Івана Пятровіча Кадачнікава (1911–1967), удзельніка Вялікай Айчыннай вайны, Героя Савецкага Саюза (1944)
Іван Пятровіч Кадачнікаў нарадзіўся 19 чэрвеня 1911 года ў вёсцы Вядзернікі Пермскай губерні (цяпер Верашчагінскага раёна Пермскага края) у сялянскай сям’і. У 1935–1941 гадах працаваў электразваршчыкам у г. Каменску-Уральскім Свярдлоўскай вобласці.
20 снежня 2016 г. – 120 гадоў з дня нараджэння Канстанціна Канстанцінавіча Ракасоўскага (1896–1968), ваеннага дзеяча, Маршала Савецкага Саюза (1944), Маршала Польшчы (1949), двойчы Героя Савецкага Саюза (1944, 1945)
Канстанцін Канстанцінавіч Ракасоўскі нарадзіўся 21 снежня 1896 года ў Варшаве. Яго бацька, Ксаверый Юзеф Красоўскі (1853–1902), са старажытнага польскага роду, служыў рэвізорам на чыгунцы. Маці, Антаніна Аўсяннікава (?–1911), паходзiла з мяшчан Пінскага павета, настаўніца рускай мовы, пахавана ў мястэчку Целяханы (цяпер Івацэвіцкі раён Брэсцкай вобласці).
26 чэрвеня 2016 г. – 75 гадоў з пачатку дзейнасці аднаго з першых на Беларусі партызанскага атрада пад кіраўніцтвам В. З. Каржа (Пінск; 1941), які правёў першы бой ў гісторыі партызанскага руху Вялікай Айчыннай вайны
Адзін з першых на Беларусі партызанскіх атрадаў быў арганізаваны па ўказанні Пінскага абласнога камітэта КП(б)Б 26 чэрвеня 1941 года. У атрад ўвайшоў партыйна-савецкі актыў г. Пінска Пінскай (цяпер Брэсцкай) вобласці. Узначаліў атрад загадчык сектара абкама Васілій Захаравіч Корж (1899–1967), які ў мэтах канспірацыі ўзяў псеўданім «Камароў». У атрадзе набралося 60 чалавек, іх раздзялілі на тры групы – па 20 байцоў у кожным. Некалькі дзён атрад ахоўваў вакзал, друкарню, вёў разведку на дарогах.
20 ліпеня 2016 г. – 110 гадоў з дня нараджэння Іллі Паўлавіча Мазурука (1906–1989), ваеннага дзеяча, лётчыка, ўдзельніка Вялікай Айчыннай вайны, генерал-маёра авіяцыі, Героя Савецкага Саюза (1937), заслужанага палярнага лётчыка
Ілля Паўлавіч Мазурук нарадзіўся 20 ліпеня 1906 года ў г. Брэст-Літоўску Гродзенскай губерні (цяпер г. Брэст) у рабочай беларускай сям’і. У час Першай сусветнай вайны сям’я Мазурукоў апынулася ў Расіі.
Пасля заканчэння сямігадовай школы Ілля Мазурук працаваў у Арлоўскім гаркаме партыі. У 1920-я гады жыў у Ліпецку, працаваў памочнікам машыніста Ліпецкай электрастанцыі, быў сакратаром камсамольскай арганізацыі, загадчыкам агітпрапам Ліпецкага, а потым Елецкага павятовых камітэтаў камсамола.
15 лютага 2016 г. – 115 гадоў з дня нараджэння Сяргея Антонавіча Бабрука (1901–1962), ваеннага дзеяча, удзельніка Вялікай Айчыннай вайны, генерал-лейтэнанта інжынерна-тэхнічнай службы, Героя Савецкага Саюза
Сяргей Антонавіч Бабрук нарадзіўся 15 лютага 1901 года ў вёсцы Шубічы Пружанскага павета Гродзенскай губерні (цяпер Пружанскага раёна Брэсцкай вобласці) у сямʼі селяніна. У 1914 годзе закончыў пачатковую школу. У гэтым жа годзе ўспыхнула Першая сусветная вайна. Вялікая хваля бежанцаў хлынула на ўсход. Бежанская плынь занесла Сяргея Бабрука на землі Калужскай губерні, дзе ён быў уладкаваны ў сіроцкі прытулак. Затым працаваў слесарам.
24 лістапада 2015 г. – 115 гадоў з дня нараджэння Мікалая Мікалаевіча Мультана (1900–1975), ваеннага дзеяча, удзельніка Грамадзянскай вайны, вызвалення Беларусі ў Вялікую Айчынную вайну, генерал-лейтэнанта, Героя Савецкага Саюза
Мікалай Мікалаевіч Мультан нарадзіўся 24 лістапада 1900 года ў вёсцы Някрасаўшчына Косаўскай воласці Слонімскага павета Гродзенскай губерні (цяпер вёска Бараны Івацэвіцкага раёна Брэсцкай вобласці) ў сям’і чыгуначнага рабочага. З васьмі гадоў застаўся без маці, выхоўваўся бацькам, Мікалаем Раманавічам, і мачыхай, Ганнай Мікалаеўнай.
9 лістапада 2015 года – 95 гадоў з дня нараджэння Міхаіла Давыдавіча Шыла (1920–1998), удзельніка Вялікай Айчыннай войны, Героя Савецкага Саюза
Міхаіл Давыдавіч Шыла нарадзіўся 9 лістапада 1920 года ў вёсцы Оўзічы Кобрынскага павета Гродзенскай губерні (цяпер Гарбахскага сельсавета Іванаўскага раёна Брэсцкай вобласці) ў сялянскай сям’і. Жыццё яго не песціла. Калі Міхаілу было пятнаццаць гадоў, памёр бацька. Міхаіл закончыў сем класаў.
16 жніўня 2015. – 105 гадоў з дня нараджэння Івана Цімафеевіча Майсеева (1910–1976), удзельніка Вялікай Айчыннай вайны, Героя Савецкага саюза (1945)
Іван Цімафеевіч Майсееў нарадзіўся 16 жніўня 1910 года ў вёсцы Велюнь Збірожскай воласці Кобрынскага павета Гродзенскай губерні (цяпер Брэсцкага раёна Брэсцкай вобласці)ў сям’і селяніна. Бацька Вані Майсеева загінуў у Першую сусветную вайну, а маці таксама не стала пасля германскага артылерыйскага абстрэлу бежанцаў. Выхоўваўся ў дзіцячым доме № 2 г. Марыінска.
29 чэрвеня 2015 года – 110 гадоў з дня нараджэння Мікалая Мікалаевіча Кольчака (1905–1969), палкоўніка, удзельніка Грамадзянскай і Вялікай Айчыннай войнаў, Героя Савецкага Саюза
Мікалай Мікалаевіч Кольчак нарадзіўся 29 чэрвеня 1905 года ў мястэчку Янаў-Палескі Кобрынскага павета Гродзенскай губерні (цяпер горад Іванава Брэсцкай вобласці) у сям’і служачага. Жыў з бацькамі ў гарадах Маскве і Петраградзе, дзе бацька працаваў юрысконсультам.
10 красавіка 2015 г. – 115 гадоў з дня нараджэння Гаўрыіла Станіслававіча Здановіча (1900–1984), ваеннага дзеяча, удзельніка Грамадзянскай і Вялікай Айчыннай войнаў, генерал-маёра, Героя Савецкага Саюза
Гаўрыіл Станіслававіч Здановіч нарадзіўся 10 красавіка 1900 года ў мястэчку Крывошын Мінскай губерні (цяпер вёска Ляхавіцкага раёна Брэсцкай вобласці) у сялянскай сям’і. У 1913 годзе скончыў чатыры класы мясцовага народнага вучылішча.